სწრაფი რეაგირების ახალი გრანტები COVID-19-ის კრიზისის საპასუხოდ

მაისში EWMI ACCESS-მა სწრაფი რეაგირების საგრანტო კონკურსის ფარგლებში 6 ახალი პროექტი დააფინანსა. საგრანტო კონკურსის მიზანი COVID-19-ის პანდემიის შედეგად შექმნილ პრობლემებსა და გამოწვევებზე სამოქალაქო აქტივიზმის ხელშეწყობაა. გამარჯვებული პროექტებია:

1. „ვოლფრამის სინდრომი – საქართველო“ – ყრუ და უსინათლო პირების და მათი ოჯახის წევრების მხარდაჭერა კორონავირუსის შესახებ ადაპტირებული ინფორმაციის გავრცელებით და ინდივიდუალური კონსულტაციების გზით.
2. „ინოვაციები ინკლუზიური საზოგადოებისთვის“ – სპეციალური საგანმანათლებლო საჭიროებების მქონე ბავშვების სასკოლო მზაობის ხელშეწყობა. ამ მიზნით ბავშვებთან, მათ მშობლებთან და სკოლების წარმომადგენლებთან ინტენსიური თერაპირული და საკონსულტაციო სესიების ორგანიზება.
3. ბავშვთა ჰოსპისი „ციცინათელების ქვეყანა“ – უკურნებელი და ქრონიკული სენით დაავადებული ბავშვების და მათი მშობლების დისტანციური დახმარება სამედიცინო რჩევებისა და ფსიქოლოგიური კონსულტაციების საშუალებით.
4. ლიკა ქურციკიძე და შორენა ტყეშელაშვილი – სკოლამდელი ასაკის ბავშვების ფიზიკური, გონებრივი და კოგნიტური განვითარებისთვის საგანმანათლებლო თამაშებისა და აქტივობების გადაღება და გავრცელება სოციალური მედიით.
5. აკაკი ახალაია და marketer.ge-ფართო საზოგაოდების ინფორმირება COVID-19-თან დაკავშირებული სანდო კვლევების და პანდემიით გამოწვეული სირთულეების გადალახვის გზების შესახებ. ამ მიზნით marketer.ge-ზე საინტერესო ისტოირებისა და ვიზუალური მასალის გავრცელება.
6. გიორგი ცაავას სტუდია (GTS) – ფოტოდღიურებით თვითიოზოლაციაში მყოფი ადამიანების ისტორიების გაზიარება. უარყოფით ინფორმაციულ გარემოში სამოტივაციო ფოტოებით მოქალაქეების გამხნევება და ფიზიკური დისტანციის დაცვის მნიშვნელობის შეხსენება.