EWMI ACCESS-ის მიზნობრივი საგრანტო პროგრამით აპრილიდან გაგრძელდა მოქალაქეთა ჩართულობის პროექტები, რომლებიც წინა წელს წარმატებით ხორციელდებოდა. მიზნობრივი საგრანტო პროგრამა საშუალებას აძლევს EWMI ACCESS-ის პარტნიორ არასამთავრობო ორგანიზაციებს, ხანგრძლივად, დაფინანსების წყვეტის გარეშე იმუშავონ სხვადასხვა პრობლემაზე და მეტ შედეგს მიაღწიონ.
1 აპრილიდან შემდეგი პროექტები გაგრძელდა:
„ორბელიანი-საქართველოს“ თანადაფინანსების (crowdfunding) პლატფორმა – ორბელიანი მეტი, რომელიც ხელს უწყობს სათემო ინიციატივებს COVID-19-ის პრობლემების მოსაგვარებლად.
„გავიგუდეთ“ – რუსთავში ჰაერის დაბინძურების წინააღმდეგ სამოქალაქო კამპანია. პროექტის ფარგლებში სამოქალაქო აქტივისტები გარემოსდაცვითი პასუხსიმგებლობის შესახებ კანონების აღსრულებას დააკვირდებიან და აქტიურად იმუშავებენ მოქალაქეების ინფორმირებასა და მობილიზებაზე.
პლატფორმა „სალამ“ და ვახტანგისის სათემო ცენტრი – ქვემო ქართლში, ეთნიკური უმცირესობებით დასახლებულ სოფლებში (მარნეულის, გარდაბნის, ბოლნისის და დმანისის მუნიციპალიტეტებში) არსებული პრობლემების მოკვლევა, ადგილობრივი მოქალაქეების გაძლიერება და მათი პრობლემების მოსაგვარებლად ადვოკატირება.
სამოქალაქო აქტივობების ცენტრი – მაღალმთიან რეგიონებში მცხოვრები უსახლკარო ადამიანების დახმარება COVID-19-ის შედეგებზე რეაგირების პროცესში. ორგანიზაცია ითანამშრომლებს მაღალმთიანი რეგიონების სათემო ორგანიზაციების ქსელთან, რათა უკეთ გამოავლინოს უსახლკარო ადამიანების პრობლემები და მათ საჭირო დამხარება გაუწიოს მოქალაქეთა მობილიზაციისა და ადვოკატირების გზით.
თბილისი პრაიდი – ლგბტ ადამიანების უფლებების დაცვა COVID-19-ის შედეგებზე რეაგირების პროცესში მათი ოჯახების გაძლიერებითა და მხარდაჭერით. პროექტი ხელს შეწუყობს 2020 წელს EWMI ACCESS-ის მხარდაჭერით შექმნილი ლგბტ ადამიანების ოჯახის წევრების ქსელის – „ამაყი ოჯახები“ – გაფართოებასა და გაძლიერებას.
ადამიანის უფლებებისა და სოციალური სამართლიანობის კვლევის ცენტრი – ფოთში მოსახლეობის გააქტიურება და ადვოკატირება წყლისა და ჰაერის დაბინძურების შესამცირებლად.
