სამოქალაქო ჩართულობის ახალი ინიციატივები თბილისსა და რეგიონებში

0 0 0 0

აგვისტო 11, 2023

ივლისში USAID-ის სამოქალაქო საზოგადოების ჩართულობის პროგრამის „ინოვაციებისა და გამოწვევების საგრანტო კონკურსის“ გამარჯვებულები გამოვლინდა. შერჩეული პროექტების მიზანი სამოქალაქო ჩართულობის გზით საზოგადოებისთვის მნიშვნელოვანი საკითხების გადაჭრაა.

გამარჯვებული პროექტები:

• „საქართველოს დაუნის სინდრომის ასოციაცია“ – დაუნის სინდრომის მქონე პირთა ჯანმრთელობის დაცვის სერვისების ადვოკატირება.
• „საერთაშორისო გამჭვირვალობა საქართველო“ – ქვეყნის ევროატლანტიკური ინტეგრაციის მხარდაჭერა რეგიონებში საინფორმაციო კამპანიითა და მოქალაქეების ჩართულობით.
• პლატფორმა „სალამი“ – ქვემო ქართლში ეთნიკური უმცირესობების წარმომადგენელი ახალგაზრდების გაძლიერება და მათი ჩართვა საზოგადოებრივ პროცესებში.
• „სტუდენტები რუსული კანონის წინააღმდეგ“  – სტუდენტების გაძლიერება და მათი გააქტიურება საუნივერსიტეტო და საზოგადოებრივ ცხოვრებაში.
• „წერტილი“ – სტუდენტების ჩართულობის ხელშეწყობა მნიშვნელოვანი საზოგადოებრივი საკითხების განხილვისა და გადაჭრის პროცესებში.
• არტ კოლექტივი „კოლექტიური მარცხი“ – ვერეს ხეობის გარემოსდაცვითი გამოწვევების შესახებ მოსახლეობის ინფორმირებისა და ჩართულობის ხელშეწყობა.
• „ახალგაზრდები დემოკრატიული ცვლილებებისთვის“ – ახალქალაქსა და ნინოწმინდაში ახალგაზრდების მხარდაჭერა ადგილობრივი პრობლემების მოგვარების პროცესში.
• კოალიცია „განათლება ყველასათვის“ – სასკოლო კვების პროგრამის ადვოკატირება.
• ფოკი ფაჩულია – იმერეთის ქალაქებში აქტიური მოქალაქეების ქსელის შექმნა და მათი ჩართვა დემოკრატიული იდეების გავრცელებაში.

პროექტების განხორციელება აგვისტოდან დაიწყება.